«ديني أهم»..مصطفى درويش يكشف سبب اعتذاره عن فيلم «الملحد» لابراهيم عيسى
نشر الفنان مصطفى درويش، عبر حسابه الرسمي بموقع التواصل الأجتماعي «فيس بوك»، رد الأزهر على إنكار الكتاب الصحفي إبراهيم عيسى للمعراج والذي جاء فيه أن الإسراء والمعراج«هي مسلمات لا تقبل الخوض فيها مطلقًا «.
وعلق «درويش»، على رد الأزهر، قائلاُ:«الازهر قال كلمته ونصر الحق ممكن مسمعش صوت معارض لو سمحتم لان احنا مرجعيتنا للازهر وانا ولا شيخ ولا حاجة انا لسه باديء انتظم في الصلاه من قريب وكان بعد مشكله حصلتلي فا قربت من ربنا واعتذاري عن الفيلم جيلي في اصعب ظروف محدش عارف عنها حاجه محتاج ماديات فعلا «.
وأضاف:«محتاج شغل لاني لسه في اول الطريق فا اكيد اعتذاري عنه كان على عيني بس ديني اهم وانا لا غلط في الاستاذ ابراهيم ولا غلط في حد انا بس اخدت قرار ادافع عن الصلاه اللي بصليها والاسلام اللي هو ديني ودين امتي، ولو كان الاستاذ غلط في أي ديانه مسيحيه أو غيرها كان هيبقي نفس موقفي».
وتابع:«انا مسلم مؤمن بكل الرسل والديانات السماويه ومقبلش حد يشكك في الكتب السماويه واسكت، نقفل الموضوع ده علشان اخد اكبر من حجمه».
وكان الفنان مصطفى درويش، قد قرر اعتذاره عن فيلم «الملحد»، لسببين الأول أن مؤلف العمل هو الإعلامي والكاتب إبراهيم عيسى، الثاني بسبب تصريحاته بأنه يزعم أن قصة «المعراج» وهمية وفقا لكتب السيرة والتاريخ.
وقال «درويش»، في منشور له عبر حسابه الرسمي بموقع التواصل الاجتماعي «فيس بوك»:«قررت أنا مصطفى درويش مقاطعة أي برنامج لـ إبراهيم عيسى، والاعتذار عن فيلم الملحد اللي صورت فيه 4 أيام بسبب إن مؤلف القصة هو إبراهيم عيسى لأن واضح إن الحرب دي ممنهجة، وأنا مقبلش أبدا أكون أداة للحرب ضد ديني ولو الثمن هيكون إيه، آسف جدا وبعتذر لكل فريق العمل مش هاكمل في القرف ده».
فيلم «الملحد» تأليف إبراهيم عيسى، إخراج محمد العدل، وبطولة النجوم: أحمد حاتم، حسين فهمي، محمود حميدة، شيرين رضا، صابرين، نجلاء بدر، تارا عماد، أحمد السلكاوي وغيرهم.
