والله إحنا فاهمين رمضان غلط.. وفاء عامر تضع روشتة لاستقبال شهر الصوم | فيديو

انتقدت الفنانة وفاء عامر بعض السلوكيات الخاطئة في شهر رمضان، ومنها التكالب على شراء مستلزمات رمضان، والإفراط في تحضير وتناول الطعام بعد انتهاء ساعات الصوم.

وقالت وفاء عامر، في بث مباشر عبر صفحتها الرسمية على «فيسبوك»: «والله العظيم أنتم فاهمين رمضان غلط، نجيب اللي على قد احتياجاتنا ونشتري اللي إحنا عايزينه».

أضافت: «اللي بيعمل كيس رز تقدري تعملي كيس رز، ولما تستخدمي نصه، شيلي النص التاني في الفريزر، وتاني يوم فكيه وحطيه في الميكرويف، والله العظيم بيبقى كإنك طابخاه حالا دلوقتي».

تابعت: «ليه نعمل كيس رز ونرمي الباقي؟، نحط طبق الرز على السفرة وناخد منها بالمعلقة على قدنا، ونعلم ولادنا منسيبش حباية رز في الطبق، وده مش بخل. الحباية دي بتسأل علينا يوم القيامة وهنتحاسب عليها».

وصلت: «العالم كله قايم مش قاعد، وحروب في كل الدنيا، وإحنا بلدنا مستقرة، وهتفضل مستقرة طول ما إحنا جنب بعض، طول ما اللي معاه بيدي اللي معهوش، طول ما إحنا مبناكلش الحق، طول لو حد عليه ضريبة يدفعها وميتهربش، وربنا بيبارك».