متتبع الأماكن اللي بروحها من سنتين.. رحمة حسن تكشف تفاصيل مثيرة عن تعرضها للتحرش

كشفت الفنانة رحمة حسن، تفاصيل تعرضها للتحرش إلكترونيًا، مشيرة إلى أنه يتبعها في جميع الأماكن التي تذهب إليها.

وقالت «رحمة حسن» في منشور لها عبر موقع الصور والفيديو «إنستجرام»: «متحرش إلكترونى، متحرش سوشيال ميديا، متعدي خصوصية المكان، الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزل صورة أو حاجة معاهم وحتى الناس اللي بشتغل معاهم أو أصحابى في العادي بيدخل يدورعلى الأكونتات بتعتهم ويبعتلهم أغاني وحاجات غريبة ويسأل عني أنا وبروح فين».

وأضافت: «كل أصحابى مش واحد بس عمل كده مع أكتر من حد، متتبع الأماكن اللي بروح فيها ومش عارفة بيعرف منين أنا بقالي سنتين على الحال ده آخرها المكان اللي كنت مفروض أروحه بكرة عشان شغل».