أنا حرة بحياتي.. هجوم ناري من نادين نسيب نجيم على شخص صورها مع شاب | فيديو
هاجمت الفنانة اللبنانية نادين نسيب نجيم، شخص قام بتصوير فيديو لها بصحبة شاب في مكان للسهر، بعد انتشار الفيديو على مواقع التواصل الاجتماعي.
وأعادت نادين مشاركة الفيديو مع جمهورها ومتابعي حسابها الرسمي على انستجرام، وعلقت "يلي عم حاول يستهبل ويصور على أساس عم يزعجني، بدي قول شغلة لكل حدا عم ينشر الفيديو: هيدا خطيبي وأنا حرة بحياتي وما حدا خصه ومن هلىء بقلكم لعبوا غيرها وجربوا حظكم مرة أخرى".
وواصلت نادين هجومها على مصور الفيديو ومن يعيد نشره: "يا عيب الشوم عليكم ما بتحترموا خصوصية الناس هدفكم بس النشر وجلب اللايكات والتعليقات على حساب الناس. كلكن هدفكم عدد اللايكات على حساب حياة الناس وكرامات الناس! صرنا بزمن ما حدا بيحترم حياة الناس الخاصة وحتى لو كنت مشهورة متل ما بتقولوا بس هل الشي ما بيعني انكم تستغلوني لنية بشعة، وبعدكم مفكرين إنه بهل الطريقة بخسر ولادي! وبتتمنولي اخسرن، تفه على تربيتكم وما حدا بهل الدني بفرقني عن ولادي لأنه بالقانون وبرا القانون أنا امرأة مطلقة حرة وبحقلي أعيش وأحب وأتزوج. خلصنا بقا منكم! عيب عليكم".
جدير بالذكر أن نادين نسيب نجيم يُعرض لها حاليا الجزء الثاني من مسلسل "صالون زهرة" على منصة شاهد VIP.
