مخدتوش من مراته ومطلعتش من العلاقة دي بحاجة.. تصريحات مثيرة لـ برلنتي عامر طليقة سعد الصغير

حلت الفنانة برلنتي عامر، ضيفة على برنامج "تفاصيل" على قناة صدى البلد.

وخلال الحلقة تحدثت "برلنتي" عن أزمتها الأخيرة مع طليقها الفنان سعد الصغير، والتي وصلت لتحرير محضر بعد وقوع خلاف ومطاردة بينهما.

وهنا نعرض لكم أبرز تصريحات برلنتي عامر، التي قالت فيها:

_ سعد كان بيقف تحت البيت بالساعات عشان يلمحني ويشوفني.

_ هو أكبر مني بـ 22 سنة، وأنا حبيته كأب لأنه كان حنين عليا بس هو أذاني

_ أنا مخدتوش من مراته، هو راجل مزواج أصلا، وسواء أنا أو غيري هو كان هيتجوز، وكان متجوز شمس الرقاصة وده طبعه وحياته.

_ سعد الصغير عمل المستحيل عشان أتجوزه.

_ شمس كلمتني قالتلي خلى بالك من نفسك عشان هيأذيكي

_ بعد الواقعة الأخيرة بعت اعتذارات ليا مع ناس، بس مش قادرة أسامحه، ده كان هيموت أختي

_ هو كان شخصية غريبة حنين في حاجات وفي حاجات تانية

_ مطلعتش من العلاقة دي بحاجة، حتى عربيتي أنا اللي شارياها

_ سعد لما اتجوزني كنا في بيتي مش في بيته، وماجبش ليا فلل ولا عربيات ولا فلوس.

_ كان متجوز واحدة قبلي وقال إنها كانت عاملاله عمل وكان بيديها كل الفلوس

_ أنا طيبة جدا، ومش بتاعت طلبات وكان بيقولي أكتر حاجة بحبها فيكي إنك ست مش مادية.