اتخطفت وهي جايالي التصوير.. منة فضالي تستغيث بعد اختفاء مساعدتها | شاهد
استغاثت الفنانة منة فضالي، عبر مواقع التواصل الاجتماعي، بسبب اختفاء مساعدتها الخاصة، أثناء تواصلها معها وقدومها إلى مدينة الانتاج الإعلامي، مشيرة إلى أنها أتخطفت، حيث انها لم تظهر في المستشفيات أو أقسام الشرطة.
ونشرت «منة» صورة للمساعدة الخاصة بها عبرمواقع التواصل الاجتماعي، قائلة:«صباح الخير عليكم جميعا أنا للأسف في موقف مش عارفة اتصرف في المساعدة بتاعتي اختفت وهي جايلي على التصوير من أول امبارح، وكل ده أهلها بيدور عليها في المستشفيات والأقسام».
وأوضحت:«وآخر حاجة كانت راكبة سيارة تابعة لإحدى شركات النقل الخاصة، وكانت جايالي على المدينة بعديها تليفونها اتقفل ومن الساعة ٦ المغرب وتلفونها اتفتحت دقيقة الساعه ١٢ بليل معرفناش نعمل حاجة، واستنينا يعدي ٢٤ ساعه علشان نعمل محضر بعض المستشفيات هي مش موجودة فيها، والواضح أنها اتخطفت وحقيقي انا مش عارفه اعمل حاجة ودي أول مره معرفش اتصرف».
وأختتمت:«فا اللي يقدر يساعدني يبقي كتر خيرو هي ساكنه في الزاوية وللأسف معنديش تفاصيل لا رقم العربية الأوبر لأنها كانت مش ظاهره ولا أي حاجة
رجاء اللي يقدر يعمل حاجه يبقي كتر خيره».
وتواصل الفنانة منه فضالي تصوير مسلسلها الجديد «جعفر العمدة» بطولة الفنان محمد رمضان وتأليف وإخراج محمد سامي، وشارك في السيناريو والحوار مهاب طارق وبطولة محمد رمضان، زينة، إيمان العاصي، هالة صدقي، مي كساب، ومجموعة كبيرة من الفنانين وتدور أحداثه في حي السيدة زينب.
