عايزني أجيبله واحدة.. اعترافات صادمة للمتهم بقتل صديقه بطريقة مروعة في قعدة مزاج
أحال المحامي العام الأول لنيابات أكتوبر الكلية مقاولا إلى محكمة الجنايات لاتهامه بقتل شخص يعمل في معرض سيارات بسبب رغبته في إقامة علاقة مع صاحبة صديقته واستمعت النيابة لأقوال المتهم.
نص أقوال المتهم
س/ ما علاقتك بالمجني عليه؟
ج / علاقتي بيه إني اتعرفت عليه أول مرة من سنتين وبعدها بقينا أصحاب وكنا على طول بنشرب مع بعض مخدر الآيس ونحشش وهو كان بيبات معايا في البيت لما عمل مشاكل مع أهله وبدأت الخلافات بينا بسبب إنه كان عايزني أجيبله واحدة أعرفها علشان يمارس معاها علاقة.
س/ وما طبيعة الحوارات التي كانت تدور فيما بينكما تحديدا؟
ج / كل الكلام بينا كان على حاله وحالي والمشاكل اللي قابلتنا ونشرب مع بعض وشوية نتكلم على الستات.
خناقة بين مقاول وصديقه بسبب الرغبة
س وهل حدث فيما بينكما ثمة خلافات أثناء تواجدكما سويا؟
ج - كانت الخلافات بينا بسبب إنه كان كل شويه عايز أكلمله أسماء صاحبة هدى علشان يمارس علاقة معاها وانا كنت برفض، وكانت آخر مرة يوم الواقعة لما قالي واحنا بنشرب الآيس أكلمله هدى علشان تخليه يمارس العلاقة مع أسماء.
س/ وما مضمون الحوار الذي دار فيما بينكما قبل ارتكاب الواقعة؟
ج/ أکلمه هدى علشان هو كان عايز يمارس علاقة مع أسماء وأنا قلتله متتكلمش معايا في الموضوع وهو طلب مني تاني وده كان سبب نشوب المشكلة بينا يوم الحادثة.
س/ وما الذي حدث عقب تلك المشاجرة فيما بينكما؟
ج/ ولقيت محمود قام من الكنبه وضربني بالقلم.
س / وما أثر ذلك في نفسك ؟
ج/ أخدت سلاح أبيض من فوق الترابيزة ورحت ضربته بيها وجت أول ضربه في صدره من الناحية اليمني وبعدها لما شوفت الدم جالي هيستريا ونزلت طعن فيه لحد ما وقع مني السلاح ولقيت محمود قام وجي عليه وانا جريت على المطبخ وجبت الساطور علشان أخلص عليه خالص وحدفت الساطور على محمود بس مجاش فيه جه في باب الحمام ومحمود وقع على الأرض وكان بينزف دم.
س / وهل كان المجنى عليه على قيد الحياة آنذاك؟
ج / لا كان مات
س/ من أين استجلبت أداة الجريمة تحديدا؟
ج / جيبتها من فوق الترابيزة اللي كنا قاعدين عليها ولما وقعت منى جريت على المطبخ وجيبت الساطور وحدفته عليه لما لقيته قام تاني ولسه مامتش علشان اخلص عليه.
س/ ما المدة الزمنية التي استغرقتها تلك الواقعة؟
ج / كانت حوالي خمس دقايق تقريبا.
جريمة جلسة مخدرات
س/ ما الذي استتبع ذلك؟
/ أنا بعدها جرّيت الجثة ودخلتها الحمام بتاع الشقة ومكنتش عارف أعمل إيه علشان كان جسمه كبير وبعدها شربت آیس.
س/ وما المدة التي احتفظت بجثمان المجني عليه بالشقة خاصتك تحديدا؟
ج/ سيبتها في الحمام حوالي اسبوع تقريبا.
س / وما التصرف الذي بدر منك خلال تلك المدة؟
ج/ انا قعدت أفكر إزاي أتخلص من الجثة ديه وفكرت أولع في الشقة وبعدها عرفت إنه مش هينفع اعمل كدا ففكرت استأجر صاروخ وأقطعه أجزاء صغيرة علشان أعرف أتخلص منها على مراحل علشان هو كان جسمه كبير ومكنتش هقدر أشيله مرة واحده وفعلا عملت كده.
س/ وما الأدوات التي استعنت بها تحديدا للتخلص من الجثمان؟
ج/ رحت أجّرت صاروخ من محل في هرم سيتي وبعدها اشتريت أسطوانة تقطيع ركبتها في الصاروخ وقطعت الجثة لقطع وقمت بإحضار أكياس لتقسيم الجثة بها علشان أصرّفها على مراحل وأحضرت سيارة سوزوكي نقلت بيها الجثمان بعد مارشيت عليها ديتول وكلور وفينيك كتير علشان الريحه متبنشي ومحدش يعرف ايه اللي معايا.
التخلص من الضحية
س/ ومن أين تحصّلت على تلك الأدوات تحديدا؟
ج/ أجّرت الصاروخ من محل في هرم سيتي واشتريت الأسطوانة من نفس المحل واشتريت الأكياس
والمنظفات من محل مش فاكر اسمه.
س/ وما الذي بدر منك عقب إحضار تلك الأدوات؟
ج/ قمت بتركيب الأسطوانة بالصاروخ وقطعت الجثة لأجزاء كتيرة وعبأتها.
س / وأين تحديدا احتفظت بجثمان المجنى عليه؟
ج/ في الحمام ولما قطعته حطيته في الثلاجة في أكياس بلاستيك.
