3 قرارات تنتظره.. تطورات مثيرة في أزمة رمضان صبحي مع المنشطات
خضع رمضان صبحي لاعب منتخب مصر وفريق بيراميدز أمس لجلسة استماع من قبل الوكالة المصرية لمكافحة المنشطات (النادو) على خلفية إيقافه من المنظمة الدولية لمكافحة المنشطات (وادا) بسبب التلاعب في عينة التحاليل الخاصة به عقب إحدى المباريات في البطولة الأفريقية مع فريق بيراميدز.
وعلق الإعلامي أحمد شوبير حارس مرمى الأهلي ومنتخب مصر السابق على جلسة استماع الأمس مع رمضان صبحي، وقال: «أتمنى جلسة الاستماع اللي حصلت إمبارح مع رمضان صبحي تكون نتيجتها جيدة وتوقعاتي إن فيه جلسة ثانية، والوادا هستفسر من النادو لمعرفة نتيجة جلسة الاستماع مع اللاعب».
وأوضح شوبير: «بصوا يا جماعة فيه شوية حاجات مهمة في الموضوع ده أولهم الخبر اللي قولته هنا من البداية وطلع صح والناس اللي هاجمتني محدش قال إحنا متأسفين عموما مش مهم،المهم دلوقتي إن رمضان صبحي يعدي منها على خير، أنا من الناس مبحبش الندية والفجر في الخصومة أصل ده مستقبل وبيت مفتوح وشاب مسؤول عن أسرة خاصة إن العينة مفيهاش حاجة محظورة ولكن فيها خطأ تقني».
وأضاف شوبير: «طيب أيه اللي هيحصل دلوقتي مع رمضان صبحي فيه 3 حاجات لا رابع لهم، أولًا هيتم الاقتناع بدفوع رمضان صبحي والموضوع خلص واتمنى ده يارب ويبقى اتوقف الأسبوعين ثلاثة دول وخلاص، الحاجة الثانية يقولوا إن اللاعب كان عنده نوع من أنواع الإهمال وياخد له إيقاف 3 أو 4 شهور وتعدي برضه، أما الحاجة الثالثة ودي اللي ما اتمنهاش إن يبقى فيه عقوبة غليظة ويتم إيقاف رمضان صبحي لفترة طويلة».
واختتم شوبير كاشفا عن مفاجأة سارة بشأن رمضان صبحي: «تواصلت مع أحد أهم المسؤولين في نادي بيراميدز فقال لي رمضان مش هيتوقف يوم قلت له أنت قولت لي الجملة دي قبل كده، فقال لي أن واثق تماما المرة دي، عموما نتمنى ده يارب».
