انت جامد على مين؟.. رسائل نارية من ميدو بعد أزمة الأهلي والزمالك | فيديو
وجه أحمد حسام ميدو، نجم الزمالك السابق، رسائل نارية، تعليقًا على أزمة مباراة الأهلي والزمالك، والتي ألغيت لعدم خوض الثاني اللقاء.
ورفض الزمالك لعب مباراة الأهلي، اعتراضًا على عدم تنفيذ مطالبه من رابطة الأندية، بالإضافة إلى عدم استكمال الدوري، إلا بعد خوض باقي الفرق الأخرى مباريات الدور الأول.
وقال ميدو في تصريحات عبر برنامج «الريمونتادا»: «هو يعني إيه رياضة؟، يعني منافسة حقيقة، تكافؤ فرص، يعني عدالة، يعني إديني حقي وإديني فرصة عادلة إني أنافس معاك، واطلع قول إن إنت جامد. ماشي ياعم إنت جامد بس جامد على مين؟».
وأضاف: «على ناس بتدفع لها فلوسها بعد سنة من نهاية الموسم، على ناس كل سنتين ثلاثة تروح ضربلهم مجلس إدارة وتمشيهم ومعين لهم لجنة معينة بعد كدة مجلس منتخب بعد كدة تشيل المجلس المنتخب. الكلام اللي بقولهولكم ده بقاله 25، 30 سنة».
وأكمل: «أنا بسألك سؤال إنت جامد على مين؟ ومنين؟، وليه إنت لما أنت جامد لما الناس اللي حواليك بتشم نفسها إنت بتقلق وبتخاف وبتترعب؟ الجامد مبيهموش لأن هو كده كده جامد، بالعكس بيكون عايزهم جامدين عشان يثبت للعالم كله إنه جامد بحق وحقيقي».
