ماذا فعلت؟.. أسما شريف منير تصدم الجمهور بتصرف غير متوقع | شاهد

صدمت الفنانة أسما شريف منير، جمهورها عبر السوشيال ميديا بحذفها جميع صورها بحسابها الشخصي على موقع "إنستجرام"، والبقاء على تدوينة واحدة فقط تحمل أكثر من صورة لها.
واعتادت أسما شريف منير، خلال الفترة الماضية على مشاركة جمهورها عبر حسابها بموقع "إنستجرام" كل لحظة تمر بها في حياتها، وتبدي رأيها في العديد من الأمور.
وفؤجى المتابعين عبر السوشيال ميديا، بحذف أسما شريف جميع صورها وفيديوهاتها من حسابها على "إنستجرام".
وكتبت أسما: "شيلتي كل صورك ليه؟
عشان عايزه اشارك معاكم حاجة تفرق، تفرق مع شخص واحد بس!
طب وهو ايه يعني اللي هيفرق في الصور دي؟
اول حاجة عايزه اوصلها من الصور دي، انها من غير اي اديت او فلتر، ودي حاجة انا في صراع دايم فيها، عشان بقيت بحب شكلي ب فلتر اكتر وده شيء محزن، فا محتاجة احس اني حره من الفلاتر والاديت عشان اشجع بنات تكون حسه احسن.
تاني حاجة في صور من شغلي ومشروعي اللي تعبانه فيه جدًا ومحتاجة اشاركوا معاكم عشان اشجع الناس انها تاخد خطوه في انها تبدأ من الصفر عادي مهمي كانت مكنتها الاجتماعية.
تالت حاجة مشروعي الاصغر هو الفخار، وده انا عملته عشان اشجع المنتجات اليدويه الطبيعيه الصحية وعشان انا دلوقتي بختار اغلب اختيارتي في الحياة اي حاجة راجعة للطبيعة.
رابع حاجة، لما تخنت كنت مكسوفة بس تقبلت جسمي وحبيته بس ده مش معناه اني مش عايزه اوصل لأفضل شكل صحي ل جسمي، فا شغاله عليه وعندي خطة للتغير، بس لحد ما اوصل للنتيجة الصح انا حبه نفسي وانوثتي وشايفة نفسي تمام اوي.
خامس حاجة، اني بحلم احلام ناويه بكل قوتي احققها فا بقيت بحط نفسي في الاماكن اللي شبه حلمي، بجذب الناس اللي بتفيدني، بحلم احلام كبيرة بس مش وانا قاعده علي الكنبة، وانا بسعي في شغلي ومصدقة اني هوصل ل اكتر ما بتمني وده بقولوا عشان اشجعكم انكم تتحركوا ومتأجلوش اللي نفسكم فيه مهمي كانت الحاجة اللي موقفاكم..
سادس حاجة، التأمل في خلق الله، غير حياتي وخلاني اكون شخص اهدي وممتن اكتر، وحساس اكتر..
انا حقيقي نفسي افيدكم واساعد اللي بيتبعوني يكونوا احسن ب اي طريقة ممكنه، وانا بحضر حاجات جديدة اتمني انها تكون مصدر الهام ليكم، وحشتوني اوي
وكانت أسما شريف منير، أعلنت انفصالها عن زوجها الفنان محمود حجازي في أبريل عام 2021.
وكتبت "أسما" عبر "ستوري إنستجرام": "يا ريت بعد إذنكم تحترموا خصوصية الموقف، من غير شائعات ولا اجتهادات ولا أسئلة، محصلش نصيب، بكل احترام، ونقطة".
أضافت: "ربنا يكرمنا إحنا الاتنين، بس كده مفيش أي تفاصيل تانية للصحفيين بعد إذنكم، إحنا كان في بينا عشرة وعيش وملح فأكيد مش هنتكلم عن تفاصيل بيتنا"