الأهلي كان مرعوب.. تعليق مثير من عمرو أديب على ركلة ترجيح شيكابالا بنهائي السوبر | فيديو
علق الإعلامي عمرو أديب، على فوز النادي الأهلي على نظيره الزمالك، في نهائي بطولة كأس السوبر المصري.
وقال «أديب» في تعليق عبر برنامجه «الحكاية»، بقناة «إم بي سي مصر»، الجمعة: «لم يعد هناك الزمالك الحصالة بتاع زمان، الزمالك مبقاش عنده مشاكل، والأهلي كان مرعوب، الزمالك عاد إلى مكانه الطبيعي».
وتابع: «بقول للأهلى احذروا، العظمة بتاعتكم على عينا وراسنا، بس هناك منافس عاد لطبيعته، إحنا جبنا جون ومتحسبش، وفي لاعب كان المفروض يتطرد ومتطردش.. وعواد أحسن حارس في مصر، أحسن من الشناوي وشوبير».
وأضاف: «مبقاش سهل الأهلاوي يرقص أي زملكاوي بسهولة، ولا قبل الماتش يقولوا هنكسبهم 5 أو 6، الزمالك مبقاش النادي الغلبان بتاع الأزمات والكوارث».
وأكمل: «الأهلاوية مش فرحانين أوى بالسوبر، فرحة باهتة، معندهمش إحساس بعمل إنجاز، المواطن الأهلاوى مش مبسوط، والزملكاوية مش زعلانين أوي على الخسارة».
إهدار شيكابالا ركلة ترجيح حاسمة
عن السخرية من إهدار شيكابالا ركلة ترجيح حاسمة بالمباراة، قال «أديب»: «أنا عايزكم تكونوا رحماء بشيكابالا، يا جماعة وارد أي حد يضيع، عايز الناس تخف شوية على شيكابالا، الرجل دخل عشان يكتب تاريخ جديد، التاريخ ما أنصفهوش».
