أنا وراها ولازم تشرب من السم اللي نشرته.. ماذا قال عمرو أديب عن واقعة طبيبة كفر الدوار؟ | فيديو

قال الإعلامي عمرو أديب، إن الدكتورة وسام شُعيب طبيبة كفر الدوار، التي تتصدر محركات البحث و«ترند» مواقع التواصل الاجتماعي المختلفة منذ الأمس، بعد نشرها مقطع فيديو كشفت فيه أسرار مرضاها، سردت تفاصيل وكأنها في «بيت دعارة».
وأوضح أديب خلال حلقة برنامج «الحكاية»: «حصل شئ مُسيء وهحاول ماستخدمش ألفاظ جارحة، ومن الأول كدة عايز أطهر الثوب الأبيض الطبي من الدكتورة اللي عملت الفيديو الحقير دة، أنا ممكن أقول كلام أكثر من حقير ولكن آداب الهواء تمنعني»، مُضيفًا: «الست دي بتتكلم أنه في 24 ساعة كأنها قاعدة في بيت دعارة، وأنه الحالات اللي بتجيلها كلها حمل سفاح، والحالات اللي بتجيلها ناس بيلصموا بنات صغيرة بعيال بعقود عرفي، دة اللي كان موجود في الفيديو».
وذكر الإعلامي أن الطبيبة كانت تبحث على الشهرة وتصدر «الترند» من خلال هذا الفيديو، وكان من الممكن أن تبث أجزاء أخرى لسرد تفاصيل أكثر عن ما يُصادفها في مجتمع جهنم الذي نعيش فيه على حد وصفها، قائلًا:«هى بتتكلم عن مجتمع جهنم، أسوء شئ حصل في الفيديو دة أنه أعطك انطباع أنك عايش في جهنم، عملت تعميم أقل ما يُقال عليه أنه قذر، هي بتتكلم على مجتمع هي جزء منه، بس فاجأة هي بتنبري وتتطهر وتتصاعد وتسمو وتنظر بكل احتقار إلى هذه الحالات وأديتنا رسالة مفداها: هو حصل أيه.. أيه يا مصر!».
وأشار أديب إلى تصريح الطبيبة التي أوضحت فيه أنها لم تتكن تتخيل أن مقطع الفيديو يصل إلى هذا ارلقم من المشاهدات، قائلًا: «لا دة أنت لسة هتنبسطي والأرقام في حياتك هتزيد كتير، بتعمل إعلان على جسد المصريات، أحنا وصلنا للمرحلة دي علشان أعمل دعايا، طيب هو فيه حد هيروحلك بعد اللي أنت عملتيه، دي إزاي دكتورة فين القسم فين الخصوصية فين الوطنية في النخوة فين الإسلام فين الستر؟!».
وتابع: «الموضوع موجود وبنشوفه بس دي مش البلد ما فيه ناس بتقتل بس دي مش البلد، فيه ناس بتشم كوكايين بس دي مش البلد، دي بلد الناس اللي بتشقى وبتتعب بلد الناس الشقيانة وبتنزل كل يوم تشتغل من 6 الصبح لـ10 بليل علشان تجيب اللقمة، دي بلد محترمة، أرجوكم لا تتركوها ومش يومين وتنسوا لا ماتنسوش لازم تشرب من السم اللي هي نشرته تتجرعه قدام المجتمع كله».
وأضاف أديب: «أوعى تأخذكم بها أي رحمة ولو ماحدش ناوي يجري وراها أنا وراها لو ماحدش ناوي يلاحقها للنهاية أنا هلاحقها، يا جماعة دي مصر ودول ستات مصر أيه الفرشة اللي أنت وخداها وبتدهني بيها المجتمع دي، لو عايز تحط عنوان للفيديو هيبقى مغامرات طبيبة شابة».
وأوضح الإعلامي: «هو أي مجتمع في الدنيا مافيهوش حمل سفاح؟، مافيش واحدة راحت تسقط في العالم؟، بس دي قررت علشان نعملها لايك وشير علشان تبقى مشهورة، الناس جرالها هوس وجنان في دماغها بالسوشيال ميديا، فلازم بقى تبقى عبرة لمن يعتبر علشان أي حد يفكر يعمل حدوته حلوة علشان نعمل لايك أو تعمل دعايا للعيادة بتاعتها».