مافيهاش لحمة.. أسرار مرعبة عن ساندوتشات الشاورما بالمطاعم
يعشق الكثير الشاورما والتي تنتشر بشكل كبير بالمطاعم وقد نشر احد رواد السوشيال ميديا حقيقة الشاورما المباعة بالمحلات
وقال أحد مستخدمي الفيسبوك في منشور إنه منقول عن أحد الأشخاص الذي كشف حقيقة الشاورما المباعة في الشارع والله اعلم " كنت قاعد قعدة شعبي كده مع شوية أصدقاء وجت سيرة أكل الشارع شوية ومرَّ علينا الواد بتاع الطلبات فواحد منا سأله انتو ماعندكوش أكل ؟ كلها مشروبات كده ؟ رد قالله ياباشا المعلم مانع نبيع أكل خالص ! ليه يابني بس؟ والله له حق ياباشا سعادتك تعرف ساندوتشات الشاورما اللي بتقعدوا تاكلوا فيها دي وبتدفعوا فيها شئ وشويات بتتعمل إزاي ؟ لأ مااعرفش
ياباشا في محلات بتشتري كوز اللحمه الخام بتاع الشاورما من واحد مشهور أوي فاتح معمل لحمه لامؤاخذة كدا تحت بير السلم إسمه توابل انت عارف ليه سمُّوه توابل؟ عشان بيبيع كوز الشاورما دا كله توابل مافيش فيه حتة لحمة واحدة !! يابني إزاي بس ؟! أمال اللحمه اللي بنشوفها ف الساندوتش دي إيه ؟! سقطة جزارة ياباشا !! يعني إيه سقطة جزارة.
يعني بواقي تقطيع الدبايح علي حبة شَغَت وكيس بودرة لون أحمر مع كيس التوابل بتاع عمك الحاج توابل وكان الله بالسر عليم وفي محلات بتشتري كوز الشاورما وتبيعه بأقل سعر "
وقد تداول المنشور بشكل كبير وقد شكك البعض في حقيقة كوز والشاورما وقال هناك مطاعم وضع امام الجمهور الاكل ولذلك نصح الكثير بعدم تناول الساندوتشات من مطاعم رخيصة وغير معروفة المصدر
